सामाजिक सञ्जालको दुरुपयोग नगर्न बाँके प्रहरीको चेतावनी

धार्मिक सहिष्णुतामा खलल पुर्याउने किसिमको लेखरचना, ब्याङ्ग्यात्मक चित्रण जस्ता गतिविधिहरु सामाजिक संजालमर्फत् पोष्ट तथा शेयर गर्नेमाथि जिल्ला प्रहरी कार्यालय बाँकेले कारवाही गर्ने चेतावनी दिइएको छ । यस्ता क्रियाकलापहरु पछिल्लो समय बढ्दो क्रममा देखिएकोले गम्भिर ध्यानाकर्षण भएको जिल्ला प्रहरी कार्यालयले आज जारी गरेको सूचनामा उल्लेख छ । सूचनामा धार्मिक तथा साम्प्रदायिक भावनामा खलल पुर्याउने किसिमका लेखरचना, ब्याङ्ग्यात्मक चित्रण जस्ता गतिविधिहरु सामाजिक संजालमा सम्प्रेषण नगर्न अनुरोध गरिएको छ । तथापी कसैले अटेर गरेको पाइएमा मुलुकी अपराध संहिताबमोजिम दुई वर्षसम्म कैद र २० हजारसम्म जरिवाना हुने जिल्ला प्रहरी कार्यालयद्धारा जारी सूचनामा उल्लेख छ ।