नेपालगञ्ज, २५ मंसिर । नेपालगञ्जमा जारी पाँच दिवसीय मेडिटेशन शिविरमा उृल्लेख्य सहभागिता बढदै गएको छ । ब्रह्माकुमारी ईश्वरीय विश्वविद्यालय एवम् रोजयोग प्रशिक्षण केन्द्र नेपालगञ्जको आयोजनामा मानसिक शान्ति एवम् खुसीयाली जीवनका लागि रोजयोग मेडिटेशन शिविर गरिएको हो । शिविरमा बरिष्ठ रोजयोग प्रशिक्षक ब्रह्माकुमार राजु घले मुख्य प्रशिक्षकका रुपमा रहनुभएको छ ।
शिविरको आज चौथो दिनसम्म झण्डै १० हजार बढीको सहभागिता रहेको ब्रह्माकुमारी ईश्वरीय विश्वविद्यालय एवम् रोजयोग प्रशिक्षण केन्द्र नेपालगञ्जकी प्रमुख ब्रह्मकुमारी दुर्गा दिदीले जानकारी दिनुभयो । मंसिर २६ गतेसम्म चल्ने मेडिटेशन शिविर दैनिक २ सिफ्टमा सञ्चालन गरिएको छ । पहिलो सिफ्ट मध्यान्ह साढे १२ बजेदेखि दिउँसो २.३० बजेसम्म तथा दोस्रो सिफ्ट साँझ ४.३० देखि ६.३० बजेसम्म सञ्चालन गरिएको छ । यस्तै प्रत्येक दिन बिहान फरक फरक स्कुलका प्लस टु पढने विद्यार्थीहरुका लागि विशेष कक्षा संचालन भइरहेको जनाइएको छ ।
मानिसहरुमा खुसी, शान्ति र सन्तुष्टि प्रबद्र्धन गर्न प्रेरित गर्ने उद्देश्यले मेडिटेशन शिविर आयोजना गरिएको ब्रह्माकुमारी ब्रह्मकुमारी दुर्गा दिदीको भनाइ छ ।
