नेपालगञ्ज , ३ मंसिर । ११औं संस्करण्को धारा नेपालगन्ज म्याराथन नेपालगञ्जमा यही मंसिर ६ गते हुने भएको छ । म्याराथनको सम्पूर्ण तयारी पूरा भएको आयोजक धारा नेपालगञ्जका संस्थापक टि.एस. ठकुरीले बताउनुभएको छ । आज नेपालगञ्जको होटल डायमण्डमा भएको पत्रकार सम्मेलनमा संस्थापक ठकुरीले प्रतियोगिताका पुरुषतर्पका विजेताले रु दुई लाख प्राप्त गर्ने जानकारी दिनुभयो ।
यसैगरी, महिलातर्फको हाफ म्याराथनका विजेतालाई रु ७५ हजार पुरस्कार प्रदान गरिने छ । ठकुरीका अनुसार, म्याराथनमा दोस्रोलाई रु १ लाख, तेस्रोलाई रु ५० हजार, चौथोलाई रु २५ हजार, पाँचौलाई रु १५ हजार, छैठौंलाई रु १० हजार पुरस्कार प्रदान गरिने छ । शीर्ष दश स्थानसम्म र दौड पूरा गर्ने सबैलाई ५—५ हजार नगद पुरस्कारको व्यवस्था गरिएको बताइएको छ ।
यस्तै, ४५ वर्षमाथिको भेट्रान दौडको शीर्ष तीन जनालाई क्रमशः रु २५ हजार, रु १५ हजार र रु १० हजार पुरस्कार, महिला हाफ म्याराथानमा दोस्रोलाई रु ५० हजार, तेस्रोलाई रु २५ हजार, चौथोलाई रु १५ हजार र पाँचौलाई रु १० हजार पुरस्कार प्रदान गरिने छ ।
आयोजकका अनुसार, १० किलोमिटर खुल्ला पुरुष तथा महिलातर्फका शीर्ष तीन जनालाई क्रमशः रु२५ हजार, रु १५ हजार र रु १० हजार पुरस्कार राखिएको छ । यस्तै, पाच किलोमिटर स्कुलस्तरीय छात्रछात्रा दौडका शीर्ष तीन जनालाई क्रमशः रु ५ हजार, रु ३ हजार र रु २ हजार, ह्वीलचियरतर्फका तीन जनालाई रु ५ हजार, रु ३ हजार र रु २ हजार, किड्स रनका सम्पूर्णलाई नगद तथा कर्पोरेट रनतर्फका शीर्ष तीन जनालाई पदक, प्रमाणपत्र र सरप्राइज उपहार प्रदान गर्ने गरिने म्याराथन रेस डाइरेक्टर चन्द्रबहादुर गुरुङले बताउनुभयो ।
म्याराथनमा यसपालीदेखि एक स्कुललाई ुनेपालगन्ज ट्रफीु प्रदान गरिने, म्याराथनमा रोमान्चकता थप्न फोटो सम्बन्धि फिपिक्स कार्यक्रम कार्यान्वयनको तयारी गरिएको छ ।
यसैबीच, म्याराथन अघि नेपालगन्ज कनक्लेव हुने भएको छ । कनक्लेवका निर्देशक जनक नेपालका अनुसार, कनक्लेवमा महानायक राजेश हमाल, मिस नेपाल वल्र्ड २०२५ लुना लुइँटेल, मिस नेपाल वल्र्ड २०२३ सृच्छा प्रधान, जेनजी लिडर रक्षा बम, साहित्यकार सुविन भट्टराई, डा। नवराज केसी लगायत वक्ता रहेका छन् । उनीहरु नेपालगन्ज कनक्लेबका विभिन्न सत्रका बक्ताका रुपमा रहनेछन् ।
