काठमाडौं, ९ मंसिर । नेकपा एमालेका वरिष्ठ उपाध्यक्ष ईश्वर पोखरेलले अध्यक्ष पदमा उम्मेद्वारी घोषणा गर्नुभएको छ । पोखरेलले एक वक्तव्य जारी गर्दै ११आंै राष्ट्रिय महाधिवेशनमा अध्यक्ष पदको उम्मेद्वार बन्ने घोषणा गर्नुभएको हो ।
उपाध्यक्ष पोखरेलद्धारा जारी वक्ततव्यमा भनिएको छ, ‘पार्टी पुनर्गठन र रूपान्तरणका लागि कार्यकर्ताहरुको आग्रह र सुझावलाई स्वीकार गर्दै अध्यक्ष पदमा उम्मेदवारी घोषणा गरेको हुँ ।’
उम्मेद्धारी घोषणासंगै पोखरेलले आफ्नो पृष्ठभूमि र योगदानको चर्चा गर्नुभएको छ । उहाँले ‘सामाजिक रूपान्तरण, व्यवस्था परिवर्तन र पार्टी निर्माणका क्रममा लामो र कठोर भूमिगत जीवन बिताएको, जेलनेल भोगेको र यातना सहेको विषय उल्लेख गर्नुभएको छ ।
