नेपालगञ्ज, २१ साउन । सडकमा जथाभावी फोहर फाल्ने नेपालगञ्ज वडा नं. ९ का हरिदेवबक्स कुर्मीलाई जरीवाना गरिएको छ । चौधरीले नेपालगञ्ज वडा नं. ९ स्थित भूमिसुधार तथा मालपोत कार्यालय पछाडी भूसेवा केन्द्र जाने वाटोमा फोहर फालेका थिए ।
कुर्मीलाई नेपालगञ्ज उपमहानगरपालिकाको फोहोरमैला व्यवस्थापन ऐन २०७५ बमोजिम रुं पाँच हजार जरीवाना गरिएको नगर प्रहरी प्रमुख प्रहरी निरीक्षक सूर्यबहादुर बोगटीले जानकारी दिनुभयो । पटक-पटक सम्झाउँदा पनि अटेर गरेपछि कुर्मीलाई जरीवाना गरिएको बोगटीले बताउनुभयो ।
नगर प्रमुख प्रशान्त विष्टले जथाभाबी फोहोर फाल्नेविरुद्ध पछिल्लो समय कडारुपमा निगरानी बढाइएको बताउनुभयो । उहाँले फोहोर ब्यवस्थापनमा सघाएर नगर सफा राख्ने अभियानमा साथ दिन समेतन नगरबासीलाई आग्रह गर्नुभएको छ ।
