नेपलागञ्ज, २६ असार । बाँके कोहलपुरका अव्यवस्थित वसोबासीहरुलाई जग्गाधनी प्रमाणपुर्जा वितरण गरिएको छ । आज बाँकेको कोहलपुरमा आयोजित कार्यक्रममा लुम्बिनी प्रदेशका मुख्यमन्त्री चेतनारायण आचार्यले कोहलपुर नगरपालिका वडा नं. १ का १२२ जना अव्यवस्थित वसोवासीलाई जग्गाधनी प्रमाणपुर्जा वितरण गर्नुभएको हो ।
त्यस अवसरमा मुख्यमन्त्री आचार्यले भूमिहीन र अव्यवस्थित वसोवासीको व्यवस्थापनमा सरकार गम्भीर रहेको बताउनुभयो । मुख्यमन्त्री आचार्यले सरकारले भूमिहीन दलित, सुकुम्वासी र अव्यवस्थित वसोवासीलाई जग्गाधनी लालपुर्जा उपलव्ध गराउने गरी काम गरिरहेको छ भन्नुभयो । ।
भूमि समस्या समाधान आयोग बाँकेका अध्यक्ष घननाथ खनालको अध्यक्षतामा भएको कार्यक्रममा लुम्बिनी प्रदेशका मन्त्रीहरू, प्रदेश सांसद, स्थानीय तहका जनप्रतिनिधि लगायत विभिन्न राजनीतिक दलका पदाधिकारी, प्रतिनिधिहरूको उपपस्थिति रहेको थियो ।
