नेपालगञ्ज, १८ असार । नेपाली काँग्रेसका पूर्व सभापति, पूर्व प्रधानमन्त्री एवम् नेपाली राजनीतिका शिखर पुरुष स्वगीय गिरिजाप्रसाद कोइरालाको १०२औं जन्म जयन्तीका अवसरमा नेपालगञ्जमा वृक्षारोपण गरिएको छ ।
नेपाली काँग्रेस, बाँकेको आयोजनामा नेपालगञ्जको वडा नं. १ र १८ को सीमानामा पर्ने वाटरपार्कस्थित चिल्ड्रेनपार्कमा वृक्षारोपण कार्यक्रम गरिएको थियो । एक औपचारिक कार्यक्रमका बीच प्रमुख अतिथि नेपाली काँग्रेसकी नेत्री, पूर्व बाँके पार्टी सभापति किरण कोइरालाले बनस्पति जातको विरुवा रोपेर वृक्षारोपणको शुभारम्भ गर्नुभएको थियो ।
वृक्षारोपणमा नेपाली काँग्रेसका नेता एवम् लुम्बिनी प्रदेशका पूर्व सांसद शंकर गिरी, बाँके पार्टी सभापति नारायणप्रसाद गौडेल, उपसभापतिद्धय गोपालप्रसाद अधिकारी र कृष्ण कार्की, सचिव सुधांशु कोइराला, सहसचिवद्धारा रेनुसिंह ठाकुर, र विनोद थारु, कोषाध्यक्ष यज्ञबहादुर बस्नेतलगायत पार्टी नेता तथा कार्यकर्ताहरुले पनि विभिन्न बनस्पति जातका विरुवा रोप्नुभएको थियो ।
वृक्षारोपण समारोहलाई सम्बोधन गर्दैै कार्यक्रमका प्रमुख अतिथि नेत्री कोइरालाले नेपाली काँग्रेसका शिखर पुरुष स्वर्गीय गिरिजाप्रसाद कोइरालाले देखाएको वाटोमा पार्टीका सबै कार्यकर्ता इमान्दारितापूर्वक हिड्नसके नेपाली काँग्रेसलाई कसैले परास्त गर्न सक्दैन भन्नुभयो ।
पार्टीका केन्द्रीय नेता गिरीले नेपाली काँग्रेसलाई एकताको कसीमा बाधिराख्न, संगठन मजबुत बनाउन, गुटउपगुटको अन्त्य गर्न, कार्यकर्ताको सक्रियता बढाउन पार्टीमा अब सक्षम नेतृत्वको खाँचो रहेको औल्याउनुभयो ।
कार्यक्रमको अध्यक्षता गर्नुभएका बाँके पार्टी सभापति गौडेलले जँुगाको लडाईले पार्टी संगठन बलियो हुन नसक्ने भन्दै स्वर्गीय गिरिजाप्रसाद कोइरालाको नेतृत्वजस्तै पार्टीलाई हाक्न सक्नेृ नेताको खाँचो रहेको बताउनुभयो ।
त्यस अवसरमा नेपाली काँग्रेसका नेताद्धय जननायक स्वर्गीय विपी कोइराल र शिखर पुरुष स्वर्गीय गिरिजाप्रसाद कोइरालको तस्वीरमा माल्र्यापण र लोकतान्त्रिक आन्दोलनमा शहादत प्राप्त गर्ने शहिदहरुप्रति मौनधारण गरेर श्रद्धासुमन अर्पण गरिएको थियो ।
