नेपालगञ्ज, १९ असार । नेपालगञ्ज उपमहानगरपालिका वडा नं. १३ ले आर्थिक वर्ष २०८२-०८३ का लागि योजना छनोट गर्न आज वडास्तरीय भेला गरेको छ।
उदयुपरस्थित वडा कार्यालयमा आयोजित भेलामा वडास्तरीय प्रतिनिधिहरू, नागरिक समाज, विभिन्न संघसंस्थाका प्रतिनिधि तथा स्थानिय बासिन्दाहरूको सहभागिता रहेको थियो।
कार्यक्रममा आगामी आर्थिक वर्षका लागि वडाको प्राथमिकता अनुसारका विकास योजना, पूर्वाधार निर्माण, सामाजिक सेवा लगायतका विषयमा छलफल गरी योजना छनोट गरिने वडा सचिव मदनबहादुर रावतले जानकारी दिनुभयो ।
वडा अध्यक्ष सुरेशसिंह ठाकुरको अध्यक्षतामा भएको वडा भेलामा विभिन्न राजनीतिक दलका प्रतिनिधिहरु, जेष्ठ नागरिक, पत्रकार, स्वास्थ्यकर्मी, प्रहरी, महिला तथा विभिनन समुदायको सहभागिता रहेको थियो ।
