बर्दिया, ११ असार । बाँके युनेस्को क्लबद्वारा बर्दियाका तीन पालिकाका सात विद्यालयमा प्रारम्भिक बालविकास (ईसीडी) सामग्री हस्तान्तरण गरिएको छ । विद्यालयमा कक्षा कोठा व्यवस्थापनका लागि उक्त सामग्री हस्तान्तरण गरिएको हो ।
बालबालिकाका लागि गुणस्तरीय सिकार्इ वातावरण प्रवर्द्धन गर्ने उद्देश्यका साथ प्लान इन्टरनेशनल नेपालको सहयोगमा बाँके युनेकोद्धारा बर्दियामा गर्ल्स स्ट्यान्डिङ स्ट्रङ (जिएसएस) परियोजना संचालनमा रहेको छ ।
एक कार्यक्रमका बीच परियोजना कार्यक्रम संयोजक गोविन्दप्रसाद लमिछानेले सम्बद्ध विद्यालयका प्रतिनिधिहरुलाई सामग्री हस्तान्तरण गर्नुभएको थियो । संयोजक लामिछानेका अनुसार, विद्यालयहरुलई स्मार्ट टेलिभिजन, खेलकुद सामग्री, शैक्षिक चार्ट, पुस्तक र्याक, जुता ऱ्याक , क्यारेमवोंड, चित्र, अक्षर, फर्निचर, कार्पेट र तकियालगायत रहेका छन् ।
एक विद्यालयलाई रू. एक लाख ७७ हजार ५०६ बराबरको सामग्री हस्तान्तरण गरिएको छ ।
परियोजना कार्यक्रम अन्तर्गत बढैयाताल गाउँपालिका अन्तरगत मुक्त कमैया आधारभूत विद्यालय, नेपाल राष्ट्रिय माध्यमिक विद्यालय, गुलरिया नगरपालिकाको गौरीशंकर माध्यमिक विद्यालय, जानकी माध्यमिक विद्यालय, त्रिशक्ति माध्यमिक विद्यालय, नेपाल राष्ट्रिय माध्यमिक विद्यालय र नेपाल राष्ट्रिय शम्भुशरण माध्यमिक विद्यालयलाई उपलब्ध गराइएको छ ।
कार्यक्रममा बाँके युनेस्को क्लबका प्रमुख संरक्षक प्रवेजअलि सिद्धिकीले विद्यालयमा सामग्रीको प्रभावकारी प्रयोग सुनिश्चित गर्न सुरक्षित कक्षा कोठा व्यवस्थापन गरी बालवालिका विद्यालय आउने वातावरण सृजना गर्न सामग्री सहयोग गरिएको बताउनुभयो ।
त्यसु अवसरमा त्रिशक्ति माध्यमिक विद्यालयका प्रधानाध्यापक दिपेश गुप्ताले बाँके युनेस्को क्लब र प्लान इन्टरनेशनल नेपालप्रति आभार व्यक्त गर्दै उक्त सामग्रीहरूले कक्षा व्यवस्थापनमा सहजता ल्याउने र विद्यार्थीको सिकाइ उपलब्धिमा महत्वपूर्ण योगदान पुर्याउने विश्वास व्यक्त गर्नुभयो ।
