नेपालगनञ्ज, १२ असार । नेपालगञ्वमा विपद पूर्व तयारी तथा प्रतिकार्य योजना अद्यावधिक सम्बन्धि विषयगत (कलस्टर) छलफल गरिएको छ । नेपालगनञ्ज उपमहानगरपालिकाको विपद पूर्व तयारी तथा प्रतिकार्य योजना अद्यावधिकका लागि विषयगत छलफल गरिएको हो । नेपालगनञ्ज उपमहानगरपालिकाभित्र आठ वटा कलस्टर छन् ।
अन्तरक्रिया कार्यक्रम सहरी विपद् तथा भूकम्पीय पूर्व तयारी परियोजना (सुपर) को संयोजनमा अन्तरक्रिया गरिएको थियो । । नेपालगनञ्ज उपमहानगरपालिका विपद फोकलपर्सन दिपेन्द्र श्रेष्ठका अनुसार, नेपालगञ्ज उपमहानगरपालिका अन्तर्गत खानेपानी तथा सरसफाई, आवास तथा गैरखाद्य, स्वास्थ्य र पोषण, समन्वय तथा खोज उद्दार, संरक्षण तथा सामाजिक सुरक्षा, खाद्य, शिक्षा र पुनःलाभ तथा पुनःनिर्माण गरी आठ वटा कलस्टर रहेका छन् ।
अन्तरक्रियामा समूह कार्यमा गत वर्षको योजना अद्यावधिक कार्य, योजनामा समावेश राम्रा पक्षहरु र योजनामा समावेश गर्न सकिएको पक्षहरुमा छलफल भएको थियो ।
नेपालगन्ज उपमहानगरपालिका विपद समिति संयोजक समिरप्रताप सिंहको अध्यक्षतामा भएको कार्यक्रममा नगर प्रवक्ता प्रमोद रिजाल, निमित्त प्रमुख प्रशासकीय अधिकृत गोर्खबहादुर थापा, आपतकालीन कार्यसंचालन केन्द्रका सूचना व्यवस्थापन अधिकृत रुपन ज्ञवालीलगायत विषयगत समिति संयोजक, शाखा(महाशाखा प्रमुख, कर्मचारी, विभिन्न संघ, संस्थाका प्रतिनिधिहरुको लगायतको सहभागिता थियो ।
युरोपियन युनियनको आर्थिक सहयोग तथा युएनडिपी, युनिसेफ, युएन ओमन र एचआईको साझेदारी एवम् सिडिएम नेपालको प्राविधिक सहयोगमा सञ्चालित शहरी विपद् तथा भूकम्पीय पूर्व तयारी परियोजना (सुपर( ले नेपालगनञ्जमा विपद पूर्व तयारी र प्रतिकार्यका लागि काम गरिरहेको छ ।
