नेपालगञ्ज, ९ असार । नेपालगञ्जमा ‘एक्वापलुजा वाटर फेस्ट कार्निभल’ हुनेभएको छ । यही असार २१ गते मेरो प्लानेटमा हुन लागेको कार्निभल नेपालगञ्जका लागि पहिलो भएको बताइएको छ । यो कार्यक्रम आश्री इभेन्टले आयोजना गर्न लागेको हो ।
आज नेपालगञ्जमा भएको पत्रकार सम्मेलनमा आश्री इभेन्टकका प्रिसिला घिसिङले यसलाई स्ट्याण्डर्ड इभेन्टको रुपमा स्थापित गर्न खोजेको बताउनुभयो। घिसिङ्गका अनुसार, इभेन्टमा झण्डै ६०० सहभागि हुनेछन् ।
इभेन्ट अन्तर्गत पौडीको आनन्द, स्वादिलो खानाको स्टल, डिजे सोनम र गायक विश्वजित शाहीको प्रस्तुति, ब्यवसाय प्रवर्धन स्टल, फेस पेन्ट, रेन डान्स लगायतका गतिविधि रहनेछन् ।
इभेन्टमा प्रौढको लागि टिकट मूल्य रु. ९९९ र सात बर्षभन्दा माथि र १६ बर्षमुनिका बालबालिकाका लागि रु. ४९९ रहेको पत्रकार सम्मेलनमा जानकारी गराइएको छ । सात बर्षमुनिका लागि निःशुल्क प्रवेशको व्यवस्था मिलाइएको घिसिङ्गले बताउनुभयो । इभेन्ट दिउसो १२ बजेदखि साँझ ८ बजेसम्म संचालन हुनेछ ।
