बर्दिया, ८ असार । बाल बालिकाको पढ्ने बानीको बिकास गर्ने, नियमित बिधालय जान प्रोत्साहन गर्ने तथा बालबालिकाको सिकाई उपलब्धिमा सुधार ल्याउने उदेश्यले बर्दियाको राजापुर र मधुवन नगरपालिकाका छात्रछात्राहरुलाई शैक्षिक तथा पढाई कुना सामग्री वितरण गरिएको छ
दुवै नगरपालिकाको समन्वय तथा प्लान इन्टरनेशनल नेपालको सहयोगमा बाँके युनेस्को क्लबले संचालन गरेको सुरक्षा परियोजना अन्तर्गत विभिन्न विद्यालयका ६० जना छात्रछात्रलाई शैक्षिक सामग्री र ३० जनालाई पढाई कुना सामग्री वितरण गरिएको हो ।
परियोजना लागु भएका सीमा क्षेत्रका १० बिधालयका अति गरिब, बिपन्न, दलित, पछाडी पारिएका समुह र प्लान प्रायोजित परिवारका बालबालिकालाई विद्यालयको सिफारिसमा उक्त सामग्री प्रदान गरिएको क्लबका कार्यक्रम संयोजक र्इश्वर बिकले जानकारी दिनुभयो ।
सुरक्षा परियोजनाका फिल्ड सुपरभाइजर प्रमिसा थारुका अनुसार, सामग्री वितरण कार्यक्रममा विद्यालयका प्रधान अध्यापक, शिक्षक, बिधार्थी र अभिभावकहरुको सहभागिता रहेको थियो ।
मानब तथा बालबालिका बेचबिखन नियन्त्रण गर्ने उद्देश्ययले संचालित सुरक्षा परियोजन कार्यक्रमले बिधालयलार्इ सुरक्षित, समावेशी, लैंगिकमैत्री बनाउदै लागुका साथै विधालयतहमा सचेतनामूलक कार्यक्रम, अभिमुखीकरण, अन्तरक्रिया, गोष्ठी, विषयगत तालिमहरु पनि निरन्तर संचालन गर्दै आएको आयोजक बाँके युनेस्को क्लबका प्रमुख संरक्षक प्रवेजअलि सिद्दिकीले बताउनु भयो ।
