नेपालगञ्ज, ८ असार । नेपालगञ्ज रंगशालाको पौडी पोखरीमा आज भएको एक दिवसीय प्रथम वडा कप अन्तर विद्यालयस्तरीय पौडी प्रतियोगिता सम्पन्न भएको छ । नेपालगनञ्ज उपमहानगरपालिका वडा नं.२ को सहयोगमा पूर्व खेलाडी समाज बाँकेले प्रतियोगिता आयोजना गरेको हो ।
प्रतियोगिता अन्तर्गत आठ वर्षमुनिका छात्रहरुको २५ मिटर फ्रीस्टाइलमा आदर्श विद्यालयका युभान श्रेष्ठ प्रथम, शिखा एकेडेमीका दिप्शन पुनमगर द्वितीय र नेपालगञ्ज स्विमिङ्ग क्लबका रियान जोशी तृतीय भए।
त्यस्तै आठ वर्ष मुनिकै छात्रातर्पm नेपालगञ्ज स्विमङ्ग क्लबका समृद्धि न्यौपाने प्रथम, बागेश्वरी एकेडमीका समिरा रास्कोटी द्वितीय र बागेश्वरी विद्यालयका अंशु घिमिरे तृतीय स्थान हासिल गरे । १० वर्षमुनिका छात्राको २५ मिटर फ्रीस्टाइलमा नेपालगञ्ज स्विमिङ्ग क्लबका नित्याश्री दहित, बागेश्वरी एकेडमीका कशिका गुरुङ र द्वितीय र किड्स किङ्गडम विद्यालयका मेघना बिष्ट क्रमशः प्रथम, द्धितिय र तृतिय हुन सफल भए ।
यसैगरी, १० वर्षमुनिका छात्रतर्फ नेपालगञ्ज स्विमिङ्ग क्लबका संस्कार न्यौपानेले प्रथम स्थान हासिल गरे भने शिखा एकेडमीका सुमिक वाग्लेले द्वितीय र सोफिया विद्यालयका निर्भिक न्यौपानेले तृतिय स्थानमा चित्त बुझाउनु पर्यो ।
१२ वर्ष मुनिका छात्र ५० मिटर फ्रीस्टाइलमा सुसान्त बोहरा प्रथम, इभान्शु भट्टराई द्वितीय र युनिक खडका तृतीय भए । सोही समूहको छात्रतर्पm जेनिशा बुढाथोकी, आँचल शर्मा र इशिका जोशी क्रमशः प्रथम, ििद्धतिय र तृतिय भए ।
त्यस्तै १४ वर्षमुनिको ५० मिटर फ्रीस्टाइल छात्रातर्पm सकिरा रास्कोटी प्रथम, सम्स्थिता गिरी, द्वितीय र जिज्ञासा भुषाल तृतीय भए । सोही समुहको छात्रतर्पm वसन्त थारु प्रथम, अनमोल केसी द्वितीय र प्रज्वल राना तृतिय हुन सफल भए ।
यसैगरी, १७ वर्षमुनि ५० मिटर फ्रीस्टाइलमा अमित रावल, अभियान श्रेष्ठ र विशेष सिंह तृतीय भए भने । प्रतियोगितामा ४० वर्षमाथिको मेन्स खुल्ला ५० मिटर फ्रीस्टाइलमा डा.सगुन श्रेष्ठ प्रथम, डा. विपिन आचार्य द्वितीय र कंचनबहादुर श्रेष्ठ तृतीय हुन सफल भए ।
यसअघि प्रतियोगिताको नेपालगञ्जका मेयर मेयर प्रशान्त बिष्टले उदघाटन गर्दै विद्यालय तहदेखि पौडी प्रतियोगिता आयोजना गर्नु सुखद पक्ष हो भन्दै यसलाई निरन्तरता दिनुपर्नेमा समेत जोड दिनुभयो ।
प्रतियोगितामा विभिन्न उमेर समूहका ११ विधामा १६ विद्यालयका ८६ जना छात्रछात्राहरूले प्रतिस्पर्धा गरेका थिए। विजयी हुनेहरूलाई प्रमाणपत्र तथा पदक प्रदान गरिएको थियो। त्यस अवसरमा पूर्व खेलाडी समाजका कार्यवाहक अध्यक्ष निजामुद्धिन सिद्दिकीले विद्यालयस्तरमै पौडी खेलको विकास र बालबालिकाको खेलप्रतिको रुचि अभिवृद्धि गर्ने लक्ष्य राखिएको जानकारी दिनुभयो।
