नेपालगञ्ज, २३ जेठ । तातो हावा (लु) संगै अत्यधिक गर्मी बढेपछि नेपालगञ्जका संस्थागत, सामुदायिक तथा धार्मिक विद्यालयमा गर्मी विदा दिइएको छ ।
अत्यधिक गर्मीका कारण बालबालिकाको स्वास्थ्यमा प्रतिकूल प्रभाव पर्नसक्ने सम्भावनालाई दृष्टिगत गर्दै नेपालगञ्ज उपमहानगरपापलिकाले जेठ २५ देखि ३० गतेसम्म गर्मी विदा दिने निर्णय गरेको हो ।
उपमहानगरपालिका शिक्षा महाशाखा प्रमुख गोर्खबहादुर थापाका अनुसार, उक्त अवधिमा गर्मी घटेन भने विदाको अवधि बढाउन सकिने सम्भावनालाई नकार्न नसकिने बताउनुभयो ।
