नेपालगञ्ज, ११ फागुन । नेपाली कांग्रेसका बरिष्ठ नेता डा. शेखर कोइरालाले पार्टीकोे विधानले व्यवस्था गरेको समयभित्रै महाधिवेशन गराउनुपर्नेमा जोड दिनुभएको छ ।
आज नेपालगञ्जस्थित पार्टी कार्यालयमा भएको जिल्लास्तरीय कार्यकर्ता भेलालाई सम्बबोधन गर्दै बरिष्ठ नेता कोइरालाले भन्नुभयो—‘यदि ढिलो गरी महाधिवेशन भयो भने त्यसले पार्टीलाई सांगठानिकरुपमा कमजोज बनाउछ ।’
कार्यकर्ता पंक्तिले कांग्रेस-एमाले सरकारलाई सघाउनुपर्नेमा जोड दिदै बरिष्ठ नेता कोइरालाले तर, सरकार लोकतान्त्रिक मूल्य, मान्यताभन्दा बाहिर जान थाल्यो भने आलोचना गर्न पनि पछि पर्नुहुदैन भन्नुभयो ।
कांग्रेस बाँके जिल्ला सभापति नारायण गौडेलको अध्यक्षतामा भएको कार्यकर्ता भेटघाट कार्यक्रममा उपसभापति गोपालप्रसाद अधिकारी र सुधांशु कोइरालाले पार्टीभित्र आन्तरिक सुधारको खाँचो रहेको जिकिर गर्नुभयो ।
