नेपालगञ्ज, २६ पुस । जेष्ठ नागरिक सेवा समाज क्लब वडा नं. १३ को अध्यक्षमा गोविन्दप्रसाद घिमिरे चयन हुनुभएको छ । क्लबको आज भएको दोस्रो बार्षिक साधारण सभा तथा प्रथम अधिवेशनले घिमिरेलाई सर्वसम्मत अध्यक्षमा चयन गरेको हो ।
नेपालगञ्ज उपमहानगरपालिका वडा नं. १३ का अध्यक्ष सुरेशसिंह ठाकुरको विशेष उपस्थितिमा चयन गरिएको क्लबको महिला उपाध्यक्षमा मञ्जु श्रेष्ठ, उपाधयक्षमा रामचन्द्र पण्डित, सचिवमा मधुरकुमार थापा, कोषाध्यक्षमा नन्दकिशोर मिश्र र सहसचिवमा नन्दकला श्रेष्ठ चयन हुनुभएको छ ।
त्यस्तै सदस्यहरुमा सरस्वती सिजापति, रामचन्द्र कुम्हार, पार्वती घिमिरे अनन्तनाथ भट्टराई, सिपाहीलाल पथिक, नगर सञ्जाल प्रतिनिधिमा विष्णुप्रसाद सुवेदी, निशा मिश्र र कृष्णमुरारी प्रसाद भट्ट चयन हुनुभएको छ ।
यसअघि क्लबका निवर्तमान अध्यक्ष विष्णु सुवेदीको अधयक्षतामा भएको क्लबको साधारण सभा र अधिवेशन उद्घाटन सत्रमा प्रमुख अतिथि वडा नं. १३ का अध्यक्ष ठाकुरले जेष्ठ नागरिक क्लबको गतिविधि सञ्चालनका लागि रु दुई लाख छुट्याएको जानकारी गराउनुभयो ।
त्यस अवसरमा वरिष्ठ पत्रकार नीरज गौतम, जेष्ठ नागरिक अगुवा शालिकराम आचार्यलगायतका वक्ताहरुले बोल्नुभएको थियो ।
