नेपालगञ्ज, १८ पुस । जनता समाजवादी पार्टी (जसपा) नेपालका अध्यक्ष उपेन्द्र यादवले राजनीतिक स्थिरताका लागि संविधान संशोधन आवश्यक रहेको बताउनुभएको छ ।
अवधि पत्रकार संघले आज नेपालगञ्जमा गरेको पत्रकार भेटघाटमा अध्यक्ष यादवले अहिलेको संविधानले लोकतन्त्रलाई धरापमा पार्ने काम गरेकाले सबै राजनीतिक दलको सहमतिमा जतिसकेको छिटो संविधान संशोधन गर्नुपर्छ भन्नुभयो ।
एक प्रश्नको जवाफमा अध्यक्ष यादवले भन्नुभयो—‘मुलुकमा अहिले बेथिति बढेको छ, बिचौलिायहरुले देश चलाएका छन्, कतै सुधारका संकेत देखिएका छैनन्, यसको जिम्मेवारी पटकपटक सरकारको नेतृत्व गर्ने दलहरुले लिनुपर्छ ।’
संघीयतामाथि अहिले प्रतिगमनकारीहरुवाट प्रहार भइरहेको छ भन्दै अध्यक्ष यावदले सात प्रदेश अव्यवहारिक र अवैज्ञानिक छ भन्नुभयो ।
ऋवधि पत्रकार संघका केन्द्रीय अध्यक्ष राकेशकुमार मिश्रको अध्यक्षतामा भएको पत्रकार भेटघाटमा जसपा नेपालका केन्द्रीय सचिव एवम् नेपालगञ्जका उपमेयर कमरुद्दिन राई लगायत जिल्लास्तरीय नेताहरुको पनि उपस्थिति रहेको थियो ।
