नेपालगञ्ज, १७ मंसिर । नेपालगञ्ज उपमहानगरपालिकाका ५० जना महिला जनप्रतिनिधिहरुलाई कानुनी प्रावधानका विषयमा तालिम दिइएको छ ।
नेपालगञ्ज उपमहानगरपालिकाले आज आयोजना गरेको दुई दिने तालिममा नयाँ कानुनको व्यवस्था, लैंगिकता, महिला कानुनी अधिकार, संविधान तथा महिलाविरुद्ध हुने सबै प्रकारका विभेद अन्त्य सम्बन्धि व्यवस्थाका विषयमा जानकारी गराइनेछ ।
महिला, बालबालिका तथा जेष्ठ नागरिक शाखा प्रमुख महिला विकास अधिकृत मन्जु पाण्डेले उपमहानगरपालिकाको वार्षिक स्वीकृत कार्यक्रम अनुसार महिला जनप्रतिनिधिलाई जागरुक र सक्षम बनाई क्षमता विकास गर्न तालिम आयोजना गरिएको हो भन्नुभयो ।
तालिममा बाँकेका प्रमुख जिल्ला अधिकारी खगेन्द्रप्रसाद रिजाल, नेपालगञ्ज उपमहानगरपालिकाका निवर्तमान उपप्रमुख उमा थापामगर, वरिष्ठ अधिबक्ता लोकबहादुर शाह, अधिवक्ताहरु वसन्त गौतम र सुनिता शर्मा तथा महिला विकास अधिकृत पाण्डेले सहजीकरण गर्नुभएको छ
