बर्दिया, १२ मंसिर । बर्दियाको गुलरिया नगरपालिकाका तीन वडा वडालाई बालविवाहमुक्त घोषणा गरिएको छ ।
प्लान इन्टरनेशनल नेपाल, बाँके युनेस्को क्लब र बी ग्रुपको सहकार्यमा गुलरिया नगरपालिकाको वडा नं. ५, ६ र ७ लाई एक कार्यक्रमबीच बालविवाहमुक्त घोषणा गरिएको हो ।
वडा नं. ६ का अध्यक्ष सुदाम्शु प्रकाश शर्माको अध्यक्षतामा भएको कार्यक्रममा गुलरिया नगरपालिकाका मेयर मुक्तिनाथ यादवले २०८१ सालसम्म नगरका सबै वडालाई बालविवाहमुक्त वडा घोषणा गरिसक्ने प्रतिबद्धता जनाउउनुभयो ।
कार्यक्रममा उपमेयर सावित्रा गौतम, प्रमुख प्रशासकीय अधिकृत ओमकार शाह, वरिष्ठ अधिकृत मुकुन्द अर्याल र महिला तथा बालबालिका शाखा प्रमुख शीला शाहको उपस्थिति रहेको थियो ।
सो अवसरमा बाँके युनेस्को क्लबका कार्यवाहक कार्यकारी निर्देशक महेश नेपाली र कार्यक्रम संयोजक गोविन्दप्रसाद लामिछानेले बर्दिया जिल्लामा बालविवाह न्यूनीकरण र बाल अधिकार प्रवर्द्धनका लागि विभिन्न सरोकारवाला र संस्थाहरूको योगदान बारे चर्चा गर्नुभयो ।
