नेपालगञ्ज, १२ कात्तिक । मानव सेवा आश्रम र आनी छोइङ डोल्मा फाउन्डेसनको संयुक्त आयोजनामा सञ्चालित मेची—महाकाली उद्धार यात्रा राष्ट्रिय टोली नेपालगञ्ज आइपुगेको छ ।
मानव सेवा आश्रमका संस्थापक अध्यक्ष रामजी अधिकारीले नेतृत्व गर्नुभएको उद्दार टोली दाङ्ग हुँदै आज सोमवार नेपालगञ्ज आइपुगेको हो ।
उक्त टोलीलाई भोलि मंगलवार बिहान नेपालगञ्जस्थित मानव सेवा आश्रममा एक कार्यक्रमको आयोजना गरी स्वागत गर्ने कार्यक्रम रहेको आश्रमका नेपालगञ्ज प्रमुख विष्णु घर्तीले बताउनुभयो ।
असोज २८ गते झापाको मेचीनगरवाट शुरु गरिएको उद्धार टोलीले अहिलेसम्म १३० जना सडकआश्रित मानवहरुको उद्धार गरिसकेको छ । उद्धार गरिएकाहरु मध्ये १०१ जना पुरुष, २९ जना महिला, २ बालिका र १ बालक रहेका छन् ।
