नेपालगञ्ज, २१ असोज । नेपालगञ्जका पाँच वटा मिठाई पसललाई रु ५५ हजार जरीवाना गरिएको छ ।
संयुक्त बजार अनुगमन समितिले अखाद्य मिठाई विक्री गर्ने अमन स्वीट पसललाई रु २० हजार, खुसी मिठाई पसल, फेमस हलुवा परोठा र नेपालगन्ज मिष्ठान्न पसललाई जनही रु १०÷१० हजार तथा माँ बागेश्वरी मिठाई पसललाई रु. पाँच हजार जरीवाना गरेको हो ।
संयुक्त बजार अनुगमन टोलीमा सहभागि वाणिज्य, आपूर्ति तथा उपभोक्ता संरक्षण कार्यालय नेपालगन्जका प्रमुख हरिबहादुर खत्रीले अनुगमनका क्रममा रु १६ हजार ७०० मूल्य बराबरको मिठाई समेत नष्ट गरिएको खत्रीले बताउनुभयो ।
अनुगमन टोलीमा बाणिज्य, आपूर्ति तथा उपभोक्ता संरक्षण कार्यालय, खाद्य प्रविधि तथा गुण नियन्त्रण कार्यालय, नापतौल कार्यालय, जिल्ला प्रशासन कार्यालय र प्रहरी टोलीको सहभागिता थियो ।
