नेपालगञ्ज, २० असोज । हिन्दुहरुको महान चाँड बडा दशैका अवसरमा नेपाली कांग्रेस बाँकेले आज पत्रकार भेटघाट एवम् शुभकामना आदानप्रदान कार्यक्रम गरेको छ ।
कार्यक्रममा नेपाली कांग्रेस बाँकेका सभापति नारायणप्रसाद गौडेलले शुभकामना व्यक्त गर्दै पार्टीले सञ्चालन गर्दै आइरहेको सांगठानिक तथा सामाजिक गतिविधिका बारेमा पत्रकारलाई जानकारी गराउनुभएको थियो ।
सभापति गौडेलले सञ्चार क्षेत्रको मर्यादित विकासका लागि नेपाली कांग्रेस बाँके सधैं प्रतिबद्ध रहदै आएको छ भन्नुभयो । उहाँले पार्टीका गतिविधिको सूक्ष्मरुपमा अध्ययन गरिएका आलोचनालाई पार्टीले सधै शिरोधार्य गर्दै आएको छ भन्नुभयो ।
त्यस अवसरमा नेपाली कांग्रेस, बाँकेका कोषाध्यक्ष यज्ञबहादुर बस्नेत, प्रवक्ता डिल्ली गिरी, पार्टी सल्लाहकार नवीन गिरी, नेपाल प्रेस युनियनका केन्द्रीय बरिष्ठ उपाध्यक्ष प्रेस केसी, जिल्ला अध्यक्ष प्रियास्मृति ढकाल, बरिष्ठ पत्रकार नीरज गौतम, पत्रकार सम्बद्ध विभिन्न आस्थागत संगठनका पदाधिकारी तथा प्रतिनिधिहरुलगायतले पनि बडादशैको शुभकामना मन्तव्य व्यक्त गर्नुभएको थियो ।
कार्यक्रममा सामुदायिक रेडियो प्रशारक संघ (अकोराब) को हालै सम्पन्न महाधिवेशनमा बाँके जिल्लाबाट निर्वाचित केन्द्रिय कोषाध्यक्ष तुला अधिकारी तथा केन्द्रीय सदस्यद्धय हेमन्त विक र मोहम्मद आरिफ अन्सारीलाई सम्मान गरिएको थियो ।
