नेपालगञ्ज, १६ भदौ । तीज लेखनबृति प्रतियोगितामा पत्रकार सरला सुवेदी प्रथम हुनुभएको छ । तीज विषयको लेखनवृत्ति प्रतियोगितामा ६ जना प्रतिस्पर्धीलाई उछिन्दै पत्रकार सुवेदी प्रथम हुनुभएको हो । लेखनवृत्ति प्रतियोगिता नेपाल प्रेस युनियन, बाँकेले आयोजना गरेको हो ।
प्रतियोगितामा पत्रकार सावित्री बिश्वकर्मा द्धितिय र पत्रकार आरती कट्टेल तृतिय हुनुभएको छ । प्रथम, द्धितिय र तृतिय हुने प्रतियोगीलाई क्रमशः पाँच हजार, तीन हजार र दुई हजार नगद तथा प्रमाणपत्र प्रदान गरिएको छ । यसैगरी, प्रतियोगितामा सहभागि अन्य सहभागिलाई प्रोत्साहन वापत रु. एक-एक हजार नगद र प्रमाणपत्र समेत प्रदान गरिएको थियो ।
नेपाल पत्रकार महासंघ बाँकेका पूर्व अध्यक्ष एवं युनियनका नेता निरज गौतमको संयोजकत्वमा महासंघ बाँकेका उपाध्यक्ष करुणा शाह र क्रियाशिल महिला पत्रकार संघ बाँकेका अध्यक्ष सावित्री गिरी सदस्य रहेको पुरस्कार छनोट समितिले लेखनवृत्तिमा सहभागि सात जना प्रतियोगि मध्येवाट प्रथम, द्धितिय र तृतियको छनोट गरेको थियो ।
युनियनले नेपालगञ्जमा आज आयोजना गरेको तीन स्नेह मिलन तथा लेखनवृत्ति पुरस्कार वितरण कार्यक्रममा लुम्बिनी प्रदेशका बन तथा वातावरण मन्त्री बादशाह कुर्मीले प्रतियोगितामा विजयी तथा सहभागिहरुलाई पुरस्कार तथा प्रमाणपत्र प्रदान गर्दै पत्रकार महिलाहरुको क्षमता बृद्धिका लागि यसखाले प्रतियोगिता आवश्यक रहेकोमा जोड दिनुभयो ।
त्यस अवसरमा मन्त्री कुर्मीले पे्रेस युनियन, बाँकेको पत्रकार कल्याण कोषका लागि ११ हजार नगद सहयोग गर्ने प्रतिबद्धता जनाउनुभएको छ । सोही कार्यक्रममा नेपाल प्रेस युनियनको विशेष अंङ्क बुलेटिनको मन्त्री कुर्मीले बिमोचन गर्नुभयो । बुलेटिनमा प्रतियोगितामा सहभागि लेखलाई प्रकाशितसमेत गरिएको छ ।
युनियन बाँकेका अध्यक्ष प्रियास्मृति ढकालको अध्यक्षतामा भएको कार्यक्रममा उपाध्यक्ष निशा शाहले स्वागत र अर्का उपाध्यक्ष कमल खत्रीले युनियनको गतिविधिका बारे प्रकाश पार्नुभएको थियो ।
कार्यक्रममा नेपाल प्रेस युनियन लुम्बिनी प्रदेशका उपाध्यक्ष जयसिंह केसी, महासचिव नवीन गिरी, सदस्य गौरव गिरी, नेपाली काँग्रेस महासमिति सदस्य डा.शुरेस कुमार कनोडिया, लुम्बिनी प्रदेश सदस्य कृष्णा सापकोटा, बाँके जिल्ला सहसचिव रेनुसिंह ठाकुर, नेपाल पत्रकार महासंघ लुम्बिनी प्रदेश उपाध्यक्ष शुक्रऋषि चौलागाई, सदस्य सरला सुवेदी, महासंघ बाँके उपाध्यक्ष शाह, क्रियाशिल महिला पत्रकार संघ बाँके अध्यक्ष गिरी, संचारिका समूह लुम्बिनी प्रदेश उपाध्यक्ष रुपा गहतराज, बाँके अध्यक्ष रुपनी जिएम, नेपाली काँग्रेस जिल्ला सदस्य पुष्पा शुक्ला, युनियन बाँके सचिव भिष्म लोध, चलचित्र पत्रकार संघ बाँकेका अध्यक्ष रामचन्द्र पौडेल लगायतको उपस्थिति रहेको थियो ।
