बर्दिया, १७ भदौ । बर्दियाको ठाकुरद्धारामा नेकपा एमालेको दुई दिने राजनीतिक प्रशिक्षण आजवाट शुरु भएको छ ।
एमाले, बाँकेको आयोजना र जिल्ला स्कुल बिभागको ब्यवस्थापनमा भएको प्रशिक्षणमा जिल्ला कमिटी सदस्य तथा पदाधिकारी, पालिका कमिटीका अध्यक्ष र प्रदेश कमिटीका सदस्य गरि १५० बढी सहभागि रहेका छन ।
प्रशिक्षण शुभारम्भ समारोहमा एमालेका महासचिव शंकर पोखरेलले राजनीतिक अस्थिरता अन्त्यका लागि कांग्रेससंग सत्ता गठबन्धन बनेको स्पष्ट पार्नुभयो । महासचिव पोखरेलले एमालेलाई बलिायो पार्टी बनाउन संगठनभित्रको अराजकता अन्त्य हुन आवश्यक छ भन्नुभयो ।
प्रशिक्षणको पहिलो दिन महासचिव पोखरेलले १० औ महाधिवेशनबाट पारित सिद्धान्त, कार्यक्रम र कार्यदिशा तथा नेपालमा राजनीतिक दलहरूको तुलनात्मक अध्ययनको विषय र उपमहासचिव तथा स्कुल बिभाग प्रमुख प्रदिप ज्ञवालीले माक्र्सवादी अध्ययन र जनताको बहुदलीय जनवादका विषयमा प्रशिक्षण दिनुभएको थियो ।
प्रशिक्षणमा एमाले लुम्बिनी प्रदेशका अध्यक्ष राधाकृष्ण कंडेलले पार्टी संगठनका समस्या र समाधानका उपाय, लुम्बिनी प्रदेशका मुख्यमन्त्री चेतनारायण आचार्यले समृद्धि, विकास र सुशासनमा पार्टी पंक्तिको दायित्व र घनश्याम कोइरालाले प्रशिक्षण विधि, व्यवस्थापन शैली र कला विषयमा सहजीकरण गर्नुहुने एमाले बाँकेका अध्यक्ष निरक गुरुङले जानकारी दिनुभयो ।
