नेपालगञ्ज, १७ भदौ । नेपाल कम्युनिष्ट पार्टी (माओवादी केन्द्र) का अध्यक्ष एवम् पूर्व प्रधानमन्त्री पुष्पकमल दाहाल प्रचण्डले नेपालगन्जस्थित एकीकृत जाँच चौकी (आइसिपी) को आज निरीक्षण गर्नुभएको छ ।
निरीक्षणका क्रममा नेपालगञ्ज भन्सार कार्यालयका निमित्त प्रमुख पूर्ण लम्सालले एकीकृत जाँच चौकीको गतिविधि र यसका सेवा प्रवाहका बारेमा अध्यक्ष प्रचण्डलाई जानकारी गराउनुभएको थियो ।
त्यस अवसरमा अध्यक्ष प्रचण्डले आइसिपी संचालनको र त्यसको उपयोगिता बढाउदै लैजानुपर्नेमा जोड दिनुभयो ।
निरीक्षण टोलीमा पूर्व सभामुख पूर्णकुमारी सुवेदी, पूर्व मन्त्री बर्षमान पुन अनन्त, पूर्व सांसद महेश्वर गहतराज, आइसीपीका कर्मचारीहरुलगायतको सहभागिता थियो ।
