नेपालगञ्ज, १५ भदौ । नेपालगञ्ज, वडा नं. १३ बुलबुलिया शान्तिनगरका स्थानीयले आज शनिवार आप्नो टोलको सरसफाई गरेका छन् ।
बुलबुलिया शान्तिनगरमा रहेको नीलसागर आश्रमदेखि दक्षिण—उत्तर क्षेत्रको करिब १०० मिटर र दक्षिण—उत्तर तथा पश्चिमतर्पmको करिब १५० मिटर सडक, नालीको सरसफाई गरिएको छ ।
बुलबुलिया शान्तिनगर टोल विकास तथा संरक्षण समितिको आयोजनामा भएको टोल सरसफाई कार्यक्रममा जेष्ठ नागरिक, युवा तथा महिला तथा समितिका पदाधिकारी गरी करिब १५ जनाको सहभागिता रहेको थियो ।
सरसफाईका लागि स्थानीयहरुको आर्थिक सहयोगमा सफाई सम्बन्धि सामग्री समितिमार्पmत खरीद गरिएको छ । सरसफाईका लागि केहि सामान वडा नं. १३ को कार्यालयले उपलव्ध गराएको छ ।
टोल विकास समितिले प्रत्येक साताको शनिवार बिहान ६ बजेदेखि आवश्यकताका आधारमा टोल क्षेत्रको स्थान छनोट गरी सरसफाई गर्ने कार्यक्रम तय गरेको समिति कोषाध्यक्ष बखत कार्कीले बताउनुभयो ।
टोल सरसफाईका साथै सरसफाईका दृष्टिकोणले अति सम्वेदनशील स्थानमा सूचना पाटी टाँस, सुरक्षाका दृष्टिकोणले सम्वेदनशील स्थानमा सीसी क्यामरा जडान, टोलका पाटीपौवा तथा सार्वजनिकस्थलको संरक्षण तथा सम्बद्र्धन र टोल क्षेत्रमा जठाभावी फोहर गर्ने प्रवृत्तिको अन्त्यका लागि पहिलो चरणमा सचेतीकरण अभियान सञ्चालनको प्रक्रिया पनि समितिले शुरु गरिसकेको छ ।
बुलबुलिया शान्तिनगर टोल विकास तथा संरक्षण समिति नेपालगञ्ज उपमहानगरपालिका वडा नं. १३ को कार्यालयमा विधिवत दर्ता भइसकेको छ ।
