नेपालगञ्ज, १४ भदौं । बाँकेमा पहिलो पटक पाँचवर्षे बीएएलएलबी अध्यापन सुरु हुने भएको छ । नेपालगञ्ज ल एण्ड म्यानेजमेन्ट क्याम्पसले यसै शैक्षिक सत्रदेखि अध्यापन शुरु गर्न लागेको हो ।
बिएएलएलबी अध्यापनका लागि नेपालगञ्ज ल एण्ड म्यानेजमेन्ट क्याम्पसले जनकपुरधाम धनुषाको राजर्षी जनक विश्वविद्यालयवाट अध्यापन अनुमति लिएको छ । उक्त विश्वविद्यालय कार्यकारी परिषद्को गत भदौं १२ बसेको बैठकले नेपालगन्ज ल एण्ड म्यानेजमेन्ट क्याम्पसलाई अध्यापनका लागि अनुमति दिएको हो ।
नेपालगन्ज ल एण्ड म्यानेजमेन्ट क्याम्पसका अध्यक्ष मैकुलाल बाल्मिकीले प्रमाणपत्र तह उत्तिर्ण गरेका विद्यार्थीहरुले पाँच वर्षे बीएएलएलबीमा भर्ना हुन पाउने बताउनुभयो ।
बाँकेमा कानुन विषय पढन चाहने विद्यार्थीहरुलाई लक्षित गरेर बीएएलएलबी अध्यापन शुरु गर्न लागिएको हो भन्नुभयो । बाँकेमा बीएएलएलबीको अध्यापन नहुँदा पढन् चाहनेहरु काठमाडौं, भारतको नयाँ दिल्ली, लखनउ जानुपर्ने बाध्यता थियो ।
