नेपालगञ्ज, १४ भदौ । नेपालगञ्ज उपमहानगरपालिका वडा नं. १३ को उदयपुरमा १६ बेड क्षमताको अस्पताल निर्माण भइरहेको छ । अस्पताल निर्माणको काम अन्तिमचरणमा पुगेको वडा अध्यक्ष सुरेशसिंह ठाकुरले जानकारी दिनुभयो ।
वडा नं. १३ का समाजसेवी चन्द्रादेवी श्रीवास्तवले दान दिनुभएको १३ कठ्ठा जग्गामा अस्पताल निर्माण भइरहेको छ । निर्माणाधिन अस्पतालमा अहिले रंगरोगनका साथै विद्युतिय तथा स्वास्थ्य उपकरणका साथै भ्mयाल ढोका जडानको काम भइरहेको छ ।
संघीय सरकारमार्पत करिब रु तीन करोड लागत अनुमान गरिएको उक्त अस्पताल सम्भवतः यो वर्षको दशैपछि सञ्चालनमा ल्याइने वडा अध्यक्ष ठाकुरले बताउनुभयो ।
उक्त अस्पतालका लागि अन्य स्वास्थ्यकर्मीका अलावा एक जना एमबीबीएस चिकित्सक र एउटा एम्बुलेन्स आवश्यक पर्ने भएकाले संघीय सरकारको स्वास्थ्य मन्त्रालयसंग सोको माग गरिएको छ । साथै अत्याधुनिक ल्याब र रक्तसञ्चार केन्द्रको पनि माग गरिएको अध्यक्ष ठाकुरले बताउनुभयो ।
वडा नं. १३ मा हाल सञ्चालनमा रहेको उदयपुर स्वास्थ्य चौकी अन्तर्गत अस्पताल रहने बताइएको छ ।
यसैबीच, वडा नं. १३ कार्यालय अन्तर्गतको उदयपुर स्वास्थ्य चौकी यस वर्ष नेपालगञ्ज उपमहानगरपालिकामै उत्कृष्ट हुन सफल भएको छ ।
अध्यक्ष ठाकुरका अनुसार, उदयपुर स्वास्थ्य चौकीमा नेपालगञ्जका अन्य वडावाट समेत बिरामीहरु उपचारका लागि आउने गरेका छन् ।
