नेपालगञ्ज, १३ भदौ । बाँकेको गनापुरमा आज भएको बस दुर्घटनामा दुई जनाको मृत्यु भएको छ ।
दाङ्गवाट नेपालगञ्ज आउदै गरेको भे १ ख २१२८ नम्बरको बस नेपालगञ्ज—कोहलपुर सडकखण्डको गनापुरमा दुर्घटना परेको हो । मोटरसाइकललाई जोगाउने क्रममा तीब्र गतिमा रहेको बस अनियन्त्रित भई दुर्घटनामा परेको बताइएको छ ।
दुर्घटनामा दाङ्ग तुल्सीपुरका ६० वर्षिय मानबहादुर ओली र सोही स्थानका २४ वर्षिय सन्तोष भुषालको मृत्यु भएको जिल्ला प्रहरी कार्यालय, बाँकेका सूचना अधिकारी प्रहरी नायब उपरीक्षक नारायण डांगीले जानकारी दिनुभयो । मृतक ओली बसका यात्रु र भुषाल बसका सहचालक रहेको बताइएको छ ।
उक्त बस दुर्घटनामा घाइते भएका २७ जनाको भेरी अस्पताल र नेपालगञ्ज मेडिकल कलेजमा उपचार भइरहेको छ ।
