नेपालगञ्ज, ३० साउन । आज बिहान नेपालगञ्जको पुष्पलाल चोकमा बसले स्कुटरलाई ठक्कर दिँदा दुई जना घाइते भएका छन् । जिल्ला प्रहरी कार्यालयका अनुसार, दुर्घटनाका एक घाइतेको अवस्था गम्भीर रहेको छ ।
कारकाँँदोतर्फ जाँदै गरेको सु.प.प्र.०१० प ९८५६ नम्बरको स्कुटरलाई सोही दिशातर्फ जाँदै गरेको बा.प्र.०१००६ ख ४५९६ नम्बरको बसले स्कुटरलाई ठक्कर दिएको थियो ।
बसको ठक्करवाट स्कुटर चालक नेपालगञ्ज कोरियनपुरका १७ वर्षीय अफजल हासमी सुवेदी र स्कुटरको पछाडि सवार सोही स्थानकै १८ वर्षीय दमन बिक घाइते भएको जिल्ला प्रहरी कार्यालयका प्रवक्ता प्रहरी नायब उपरीक्षक नारायण डांगीले बताउनुभयो ।
प्रहरी नायब उपरीक्षक डांगीका अनुसार टाउकोमा चोट लागेका बिकको अवस्था गम्भीर रहेको छ । उनको नेपालगञ्ज मेडिकल कलेजमा उपचार भइरहेको छ ।
प्रहरी बस र चालकलाई नियन्त्रणमा लिएर थप अनुसन्धान सुरु गरेको जनाइएको छ ।
