नेपालगञ्ज, १२ साउन । नेपाली कांग्रेसका पूर्व पार्टी सभापति, पूर्व प्रधानमन्त्री जननायक वीपी कोइरालाको ४२औं स्मृति दिवसका अवसरमा आज नेपालगञ्जमा वृक्षारोपण गरिएको छ ।
नेपाली कांग्रेस बाँके क्षेत्र नम्बर २ ले आयोजना गरेको कार्यक्रममा नेपालगञ्जको मंगलप्रसाद माध्यमिक विद्यालयको प्रांगणमा बृक्षारोपण गरिएको हो । इको स्मार्ट क्लब नेपालगञ्जको सहकार्यमा भएको वृक्षारोपण कार्यक्रममा जामुन, निम, मोरिंगा, बेल, सिसौ निलो आदि प्रजातिका विरुवा रोपिएका थिए ।
वृक्षारोपण कार्यक्रममा राष्ट्रियसभा सदस्य एवम् कांग्रेस बाँकेका पूर्व सभापति युवराज शर्मा, कांग्रेस नेता एवम् लुम्बिनी सरकारका पूर्व मन्त्री सुरेन्द्र हमाल, पार्टी जिल्ला सचिव सुधांशु कोइराला, क्षेत्रीय सभापति रमेश गुप्तालगायत बाँके काँग्रेसका नेता तथा कार्यकर्ताहरुको सहभागिता रहेको थियो ।