नेपालगञ्ज, ११ साउन । नेपालगञ्जको अत्याधुनिक प्रविधिउक्त सिनेमाघर सिने रोयलले आप्नो प्रथम बार्षिकोत्सव मनाएको छ ।
सिनेमाघरमै आज आयोजित कार्यक्रममा पत्रकार र अन्य अतिथिहरुको उपस्थितिमा सिने रोयलका संस्थापक डा. बिनोद थापा र डा. कल्पना थापाले संयुक्तरुपमा केट काटेपछि बार्षिकोत्सवको खुशी साटासाट गरिएको थियो ।
सोही कार्यक्रममा सिने रोयलले आजवाट संचालनमा ल्याएको मोबाइल एप सार्वजनिक गरिएको थियो । सिने रोयलका मार्केटिङ्ग म्यानेजर सौगातविक्रम शाहले टिकट खरिदमा दर्शकलाई सहजहोस् भन्ने हेतुले एप तयार गरिएको बताउनुभयो ।
नेपालगञ्जका प्रसिद्ध हाडजोर्नी रोग विशेषज्ञ डा. बिनोद थापा र स्त्रीरोग बिशेषज्ञ डा. कल्पना थापाका सुपुत्र डा. राहुल थापाको परिकल्पनामा पश्चिम नेपालकै व्यापारिक नगरी नेपालगञ्जमा सिनेरोयल सञ्चालनमा आएको हो । डा. बिनोद थापाका अनुसार, जग्गाको लागत बाहेक रु २५ करोडमा सिनेरोयल सिनेमाघर निर्माण गरिएको हो ।
