काठमाडाडौं, ९ साउन । सरकारले विमान दुर्घटनाबारे छानबिन गर्न नेपाल नागरिक उड्डयन प्राधिकरणका पूर्वमहानिर्देशक रतिशचन्द्र लाल सुमनको नेतृत्वमा पााँच सदस्यीय जाँचबुझ आयोग गठन गरेको छ ।
मन्त्रिपरिषद्को आज बसेको आकस्मिक बैठकले आयोग गठन गरेको सञ्चार तथा सूचना प्रविधिमन्त्री पृथ्वी सुब्बा गुरुङले जानकारी दिनुभयो ।
आयोगका सदस्य सचिवमा नेपाल नागरिक उड्डयन प्राधिकरणका एयर ट्राफिक कन्ट्रोल अफिसर मुकेश डंगोल तथा सदस्यहरुमा नेपाल वायु सेवा निगमका क्याप्टेन दिपु ज्वारचन, पुल्चोक क्याम्पसका प्राध्यापक कुलदीप भट्टराई र सञ्जय अधिकारी रहनुभएको छ । जाँचबुझका लागि आयोगलाई ४५ दिनको म्याद दिइएको छ ।
बुधबार काठमाडौंबाट पोखराका लागि उडेको सौर्य एयरको जहाज दुर्घटना हुँदा १८ जनाको मृत्यु भएको छ । दुर्घटनास्थलवाट पाइलट मनिष शाक्यको भने घाइते अवस्थामा उद्दार गरिएको छ । उनको मेरुदण्डको शल्यक्रिया गरिएको छ भने मस्तिष्क र आँखाको पनि शल्यक्रिया गर्नुपर्ने अवस्था देखिएको काठमाडौं मेडिकल कलेज सिनामंगलका चिकित्सकहरुले बताएका छन् ।
