नेपालगञ्ज, ३१ जेठ । नेपालगञ्जमा तीन सय ९० घण्टाको युवा स्वरोजगार तथा उद्यमशील तालिम आज सम्पन्न भएको छ ।
नेपालगञ्ज उपमहानगरपालिकाको रोजगार सेवा केन्द्रले तालिमको आयोजना गरेको हो । तालिममा मानस विकास ट्रेनिङ्ग इन्स्टिच्युट प्रालिले सहजीकरण गरेको थियो ।
स्वरोजगार तथा उद्यमशील सीप अन्तर्गत वाइरिङ र प्लम्बिङ्ग विषयको तालिम सञ्चालन गरिएको रोजगार सहायक अनुप वर्माले जानकारी दिनुभयो । तालिममा दुवै विषयतर्पm २०÷२० जना युवाहरुको सहभागिता रहेको थियो ।
तलिम समापन समारोहमा सहभागिलाई प्रमाणपत्र प्रदान गर्दै नेपालगञ्जका मेयर प्रशान्त विष्टले सिकेको सीपलाई व्यवहारमा लागु गर्न आग्रह गर्दै बेरोजगारी न्यूनीकरणका लागि उपमहानगरपालिकाले युवालाई सीप सिकाउँदै आत्मनिर्भर बनाउदै आएको छ भन्नुभयो ।
त्यस अवसरमा निमित्त प्रमुख प्रशासकीय अधिकृत गोर्खबहादुर थापा, रोजगार सेवा केन्द्र प्रमुख मन्जु ज्ञवालीलगायतले बोल्नुभएको थियो ।
