नेपालगन्ज २३ जेठ । बाँकेको मोही जग्गाका सम्बन्धमा भुमिसुधार कार्यालय बाँकेसंग आज सूचना माग गरिएको छ ।
सूचना र मानव अधिकार अनुसन्धान केन्द्रका सूचना अभियन्ता नेपालगन्ज–७ निवासी दुर्गा तिवारी र जिज्ञासा तिवारीले सूचना माग गर्नुभएको हो ।
भुमिसुधार कार्यालय बाँकेमा मोही बाँडफाँट, नामसारी सम्वन्धी कति वटा मुद्दा विचाराधिन रहेको छ, सोको विवरण र त्यस कार्यालयमा जग्गा सम्वन्धी फच्र्यौट तथा कानूनी प्रक्रियाका लागि इजलास छ कि छैन, सोको बारेमा प्रमाणित प्रतिलिपिमाग गरिएको हो ।
नेपालको संविधान २०७२ र सूचनाको हक सम्वन्धी ऐन २०६४ को धारा २७ अनुसार सबैले थाहा पाउने अधिकार अन्तर्गत सूचना माग गरिएको सूचना अभियन्ता दुर्गा तिवारीले बताउनुभयो ।
