कोहलपुर(बाँके), २१ ज्ेठ । नेपालगञ्ज मेडिकल कलेजले कोहलपुर शिक्षण अस्पतालमा बन्द भएको स्वास्थ्य बीमा कार्यक्रम २०८१ साल साउन महिनादेखि पुनः शुरु गर्नेभएको छ ।
कलेजद्धारा आज कोहलपुरमा आयोजित पत्रकार भेटघाटका अवसरमा कम्पनी सचिव श्यामकुमार शर्माले कलेजले सुपर स्पेस्लिष्ट सेवा प्रारम्भ गर्ने निर्णयका साथ स्वास्थ्य बीमा कार्यक्रम पुनः शुरु गर्न लागेको बताउनुभयो ।
यसैगरी, कलेजले एमबीबीएस, एमडी÷एमएस, बीएस्सी नर्सिङ्ग सञ्चालन गर्दै आएकोमा २०८१ को साउन महिनादेखि बीडिएस, बीएमआईटि, पीसीएल नर्सिङ्ग कोर्स समेत प्रारभ्म गरिने पत्रकार सम्मेलनमा जानकारी गराइएको छ ।
सचिव शर्माका अनुसार, कलेजको नेपालगञ्ज अस्पतालवाट बिरामीका लागि सेवा सुविधा थप गर्दै अस्पताललाई स्तरोन्नती गर्न यसै वर्षदेखि १.५ टेस्लाको एमआरआई सेवा शुरु गरिएको छ भने २०८१ साउनदेखि मुटु उपचारको क्याथ ल्याब सेवा समेत शुरु गर्न लागिएको छ ।
यस्तै विभिन्न विषयको पारामेडिकल कोर्स सञ्चालनका लागि नेपालगञ्जको भवनियापुरमा रहेको कलेजको जग्गामा भवन निर्माणको काम २०८१ साउनदेखि प्रारभ्भ गरिएको पत्रकार सम्मेलनमा जानकारी दिइएको छ ।
पत्रकार सम्मेलनमा कलेजका सिइओ सन्तोषकुमार बीएम, कोहलपु अस्पतालका निर्देशक डा. रेशमबहाुदर राना, डा. रोमन किदवाई, डा. कुमार पोखरेल, डा. सन्तोष शर्मा, डा. अनुप शर्मालगायतको उपस्थिति रहेको थियो ।
