नेपालगञ्ज, ८ जेठ । नेपालगञ्ज उपमहानगरपालिकाको विषयगत समितिसंग अन्तरक्रिया गरिएको छ । सुरक्षित आप्रवासन (सामी) कार्यक्रमले अन्तरक्रिया गरेको हो ।
अन्तरक्रियामा नेपालगञ्ज उपमहानगरपालिकाको विषयगत समितिहरु, वडा अध्यक्ष, कार्यपालिका सदस्य तथा विभिन्न महाशाखा एवम् शाखाका प्रमुखहरुको सहभागिता रहेको थियो ।
अन्तरक्रियामा बैदेशिक रोजगार बोर्ड अन्तर्गत सामीका कार्यक्रम अधिकृत लक्ष्मी चौधरीले बैदेशिक रोजगारीको अवस्था, प्रवृत्ति, समस्या र सामी कार्यक्रमको भूमिका लगायतका विषयमा सहभागिहरुलाई जानकारी गराउनुभएको थियो ।
चौधरीले विषयगत समितिहरुलाई सुरक्षित बैदेशिक रोजगारीका लागि नीति, कार्यक्रम र बजेट विनियोजनमा तत्परता र अग्रसरता देखाउन आग्रह गर्नुभयो ।
त्यस अवसरमा नेपालगन्ज उपमहानगरपालिकाका आर्थिक विकास समिति संयोजक गोपाल पुन र सामीका बाँके जिल्ला संयोजक कमलसिंह नेपालीले सामी कार्यक्रम निकै सान्दर्भिक र उपयोगी देखिएको धारणा राख्नुभयो ।
सुरक्षित आप्रवासन (सामी) कार्यक्रम बाँकेको नेपालगञ्ज उप–महानगरपालिका, कोहलपुर नगरपालिका, खजुरा गाउँपालिका र बैजनाथ गाउँपालिकामा पालिकामा सञ्चालनमा रहेको छ ।
नेपालमा भने २०६७ सालदेखि सुरु भएको सामी कार्यक्रम अहिले मुलुकका ३८ जिल्लाका १५६ पालिकामा सञ्चालन भइरहेको सामाजिक परिचालन अधिकृत घनश्याम ओलीले जानकारी दिनुभयो ।
