नेपालगञ्ज, ६ जेठ । बाँके प्रहरीले मोटरसाइकल चोरीमा संलग्न चार जनालाई पक्राउ गरेको छ ।
प्रहरीले चोरीमा संलग्न चार जनालाई पक्राउ गर्नुका साथै चोरी गरिएका विभिन्न कम्पनीका नौ थान मोटरसाइकलसमेत बरामद गरेको छ ।
पछिल्लो सयम मोटरसाइकल चोरीका घटना बढिरेकाले त्यसका विरुद्ध जिल्ला प्रहरी कार्यालयवाट परिचालित विशेष प्रहरी टोलीले मोटरसाइकल चोरहरुलाई पक्राउ गर्न सफल भएको जिल्ला प्रहरी प्रवक्ता प्रहरी नायब उपरीक्षक नारायण डांगीले बताउनुभयो ।
पक्राउ परेका चारै जनाविरुद्ध चोरी कसूरमा बाँके जिल्ला अदालतबाट दिन पाँच दिनको म्याद थपको अनुमती लिई थप अनुसन्धान एवं कारवाही प्रक्रिया अगाडी बढाइएको छ ।
