नेपालगञ्ज ४ जेठ । बाँकेको डुडुवामा मातृ मृत्युदर उच्च देखिएको छ । मृत्युदर घटाउन सरोकारवाला पक्षका तर्पmवाट प्रभावकारी व्यवस्थापन हुनुपर्नेमा जोड दिइएको छ ।
स्वास्थ्य निर्देशनालय लुम्बिनी प्रदेशद्धारा नेपालगञ्जमा आयोजित अन्तरक्रिया कार्यक्रममा सहभागी डुडुवाका जनप्रतिनिधिले मातृ मृत्युदर घटाउनका लागि विशेष ध्यान दिई प्रभावकारी सेवा प्रदान गर्नुपर्ने सुझाव समेत दिएका छन् ।
डुडुवामा स्वास्थ्य क्षेत्रमा विशेष कार्यक्रम संचालन गरिएकाले मातृ मृत्युदरमा घटाउनका लागि रणनीति बनाएर काम गर्न आग्रह गर्दै अन्तरक्रियाका सहभागिहरुले गाउँका गर्भवती महिलालाई सुविधा सम्पन्न स्वास्थ्य संस्थामा प्रसुती गराउनुपर्ने बताएका छन् ।
निर्देशनालयले प्रस्तुत गरेको तथ्याँक अनुसार लुम्बिनी प्रदेशमै बाँके जिल्ला संस्थागत प्रसुति दर उच्च रहेपनि मातृ मृत्युदर बढेको पाइएको छ । संस्थागत प्रसुति सेवामा १६८ प्रतिशतले सेवालिएका छन् भने डुडुवा गाउँपालिकामा ८३ प्रतिशतले सेवा लिएको निर्देशनालयका तथ्यांक अधिकृत मानबहादुर वलीले बताउनुभयो । उहाँका अनुसार डुडुवामा आर्थिक वर्ष २०८०÷०८१ म दुई जना आमाको ज्यान गएको छ ।
बाँकेमा मातृ मृत्यु दर बढनुमा समुदायस्तरमा जनचेतनाको कमी, स्वास्थ्य क्षेत्रलाई बढी प्राथमिकता नपर्नु, धेरै पटक गर्भवती हुनु, सन्तुलित आहारको कमी, प्रसुती केन्द्रमा ल्याब सेवा तथा आरयुएसजीको प्रावधान नहुनु, घरमै बच्चा जन्माउनु लगायतका समस्या रहेको स्वास्थ्य कार्यालय बाँकेका प्रमुख अंगदबहादुर शाहीले बताउनुभयो ।
कार्यक्रममा डुडुवाका वार्ड नं. ३ का अध्यक्ष आमोद तिवारी, ५ का अध्यक्ष भंmकबहादुर थापा, ६ का अध्यक्ष मोहनराम मिश्र, कार्यपालिका सदस्य सम्सुद्दिन सल्मानी, नेपालगञ्ज मेडिकल कलेज कोहलपुरका निर्देशक रेशमबहादुर राना लगायतले बोल्नुभएको थियो ।
