नेपालगञ्ज, २ जेठ । नेपालगञ्जको वडा नं. ७ मा आज वडास्तरीय भूकम्प तथा आगलागी नियन्त्रण सम्बन्धि कृत्रिम घटना अभ्यास गरिएको छ ।
नेपालगञ्ज उपमहानगरपालिकामा सञ्चालित सहरी विपद् तथा भूकम्पीय पूर्व तयारी परियोजना (सुपर) कार्यक्रमको सहजीकरणमा उक्त वडामा कृत्रिम घटना अभ्यास गरिएको हो ।
कृत्रिम घटना अभ्यासमा भूकम्प र आगलागीका छुट्टाछुट्टै घटना सिर्जना गरेर खोज तथा उद्दार, प्राथमिक उपचार, अस्पतालसम्मको व्यवस्थापन, लगायत क्रियाकलाप गरिएको आपतकालीन कार्यसञ्चालन केन्द्रका सूचना व्यवस्थापन अधिकृत रुपन ज्ञवालीले बताउनुभयो ।
कृत्रिम घटना अभ्यासमा स्वयंसेवक, नेपाल प्रहरी, दमकल कर्मचारी, नगर प्रहरी, रेडक्रसकर्मीहरुको सत्रिय रहेका थिए ।
