बर्दिया, २ जेठ । बाँके युनेस्को क्लबसहित विभिन्न गैरसरकारी संघसंस्थाको संयुक्त आयोजनामा बर्दियाको ठाकुरद्धारामा जिल्लास्तरीय युवा भेला शुरु भएको छ ।
प्लान इन्टरनेशनल नेपालको साझेदारीमा बर्दियामा सञ्चालित सशक्त बालिका परियोजना अन्तर्गत बाँके युनेस्को क्लब, राधाकृष्ण थारु जनसेवा केन्द्र, बिग्रुप र स्थानीय पालिकाहरुको समन्वयमा युवा लक्षित नेतृत्व विकास र स्थानीय तहमा युवा सहभागिता सम्बन्धि युवा भेला शुरु भएको हो ।
तीन दिनसम्म चल्ने भेलामा बर्दिया जिल्लाका सबै स्थानीय निकायवाट युवाहरूको प्रतिनिधित्व हुने गरी किशोरी क्लव, युवा क्लव र परिवर्तनका संवाहक समूहका सदस्यवाट गरी ३६ जना किशोरकिशोरी तथा युवाहरूको सहभागिता रहेको छ ।
भेला शुभारम्भ समारोहमा बाँके युनेस्को क्लव सशक्त बालिका परियोजना संयोजक गोबिन्द लामिछानेले युवा र किशोरीका नेतृत्व विकासवाट उनीहरुका सवालको प्रभावकारी सम्बोधन हुनसक्ने भएकाले परियोजना कार्यक्रमभ सञ्चालन गरिएको बताउनुभयो ।
त्यस अवसरमा प्लान इन्टरनेशनल नेपालका निमित्त कार्यक्रम विज्ञ दिक्षा भट्ट, राधाकृष्ण थारु जनसेवा केन्द्रका कार्यक्रम संयोजक मनोज पौडेल, बिग्रुप बाँकेका दिनेश चौधरी र वालविवाह न्युनिकरण परियोजनाका प्राबिधिक संयोजक लक्ष्मीप्रसाद शर्मालगायतको उपस्थिति रहेको थियो ।
भेलाको सहजीकरण अस्निता थापा र दिनेश चौधरीले गरिरहनु भएको छ ।
