नेपालगञ्ज, ३१ बैशाख । बाँकेमा दुई जना भारतीय डाँका पक्राउ परेको छन् ।
जानकी गाउँपालिका वडा नं. ४ जानकीनगरस्थित दुर्गाकुमारी दमाईको घर—पसलमा लुटपाट गरेको आरोपमा भारत बहराईच खैरीघाटका ५५ बर्षीय मनेश्वर गोडिया र ५२ बर्षीय कुलेराज कुर्मीलाई पक्राउ गरिएको जिल्ला प्रहरी प्रवक्ता प्रहरी नायब उपरीक्षक नारायण डांगीले बताउनुभयो ।
गत चैत २६ गते दमाईको घर—पसलमा रातीको समयमा सामान चाहियो भनेर आएका गोडिया र कुर्मीलगायतकाले धारिलो हतियार र बन्दुक देखाएर सुनका गहना, नगद र सामान लुटेका थिए । उक्त घटनामा संलग्न अन्य दुई जनाको पनि पुष्टि भइसकेको र उनीहरु फरार रहेको प्रहरी प्रवक्ता डांगीले बताउनुभयो ।
पक्राउ गरिएका दुई जनाको जिल्ला अदालतवाट म्याद थप गरिएको छ भने घटना बारे प्रहरीले थप अनुसन्धान गरिएको जनाएको छ ।
