नेपालगञ्ज, ३० बैशाख । बाँके प्रहरीले नेपालगञ्जवाट चोरीको मोटरसाइकल बरामद गरेको छ । प्रहरीले नेपालगञ्ज उपमहानगरपालिका वडा नं. १३ वाट रा २ प ४५३४ नं. को एक थान चोरीको मोटरसाइकल बरामद गरेको हो ।
जिल्ला प्रहरी कार्यालयका प्रवक्ता प्रहरी नायब उपरीक्षक नारायण डांगीका अनुसार, प्रहरीले मोटरसाइकलसंगै दुई जनालाई समेत नियन्त्रणमा लिएको छ ।
चोरीको सूचना प्राप्त हुनासाथ वडा प्रहरी कार्यालयवाट खटिएको प्रहरीले टोलीले नेपालगञ्ज वडा नं. १३ बस्ने कैयुम राई र कमरुद्दिन साईलाई चोरीको मोटरसाइकल, दुई थान मोबाइलसहित नियन्त्रणमा लिएको जिल्ला प्रहरी प्रवक्ता डांगीले बताउनुभयो ।
पक्राउ परेकामाथि चोरी कसूरमा थप अनुसन्धान एवं कारवाही प्रक्रिया अगाडी बढाइएको प्रहरीले जनाएको छ ।
