नेपालगञ्ज, १४ बैशाख । नेपालगञ्जमा भोलिदेखि मेयर तथा उपमेयर कप टी–ट्वान्टी क्रिकेट प्रतियोगिता हुने भएको छ ।
प्रतियोगिता अन्तर्गत मेयर कपमा पुरुष र उपमेयर कपमा महिला खेलाडीहरुको सहभागिता रहनेछ । प्रतियोगिता बारे जानकारी दिन आज आयोजना गरिएको पत्रकार सम्मेलनमा प्रतियोगिता नेपालगञ्जस्थित मंगल प्रसाद माध्यमिक विद्यालयको मैदानमा हुनेछ ।
नेपालगञ्ज उपमहानगरपालिकाको आर्थिक सहयोगमा बाँके जिल्ला क्रिकेट संघले आयोजना गरेको प्रतियोगितामा पुरुष क्रिकेटतर्फ रु सात लाख र महिला क्रिकेटतर्फ रु तीन लाख रकम बिनियोजन गरिएको छ । उपमहानगरपालिकाले भने पुरुष र महिलातर्पm गरी रु सात लाख सहयोग गरेको जनाइएको छ ।
संघका सदस्य मनमोहन लम्सालका अनुसार, प्रतियोगितामा भाग लिने २१ टिम दर्ता भइसकेको छ । प्रतियोगितामा पुरुषतर्फको विजेतालाई रु. ७५ हजार र उपविजेतालाई रु. ३५ हजार नगद पुरस्कार प्रदान गरिने छ ।
त्यस्तै, महिलातर्फको विजेताले रु. २५ हजार र उपविजेताले रु. १५ हजार नगद पुरस्कार प्राप्त गर्ने बताइएको छ । यसका अलावा प्रतियोगितामा प्लेयर अफ द म्याच, बेष्ट बलर, बेष्ट ब्याटर तथा प्लेयर अफ द सिरिजलाई पनि पुरस्कारको व्यवस्था गरिएको छ ।
