नेपालगञ्ज, १५ बैशाख । टी—ट्वान्टी क्रिकेटमा नेपालले वेष्ट इन्डिजलाई हराएको छ । आजदेखि काठमाडौंमा सुरु भएको पाँच दिवसीय टी—ट्वान्टी खेलमा वेष्ट इन्डिज ए लाई नेपालले ४ विकेटले हराएको हो ।
टस हारेर पहिले ब्याटिङ गरेको वेष्ट इन्डिज ए ले दिएको २०५ रनको चुनौति नेपालले नेपालले १९.४ ओभरमा ६ विकेट गुमाएर पूरा गरेको थियो । नेपालले २०६ रन बनाएको हो ।
नेपालका लागि कप्तान रोहित पौडेलले ५४ बलमा ११२ रनको शानदार योगदान दिए । त्यस्तै दीपेन्द्रसिंह ऐरीले २४, कुशल भुर्तेलले १६, बिबेक यादवले ७ तथा अनिल साहले ५ रन बनाए । गुल्शन झा र प्रतिश जिसीले नटआउट रहँदै क्रमशः ९ रन र ५ रन बनाए ।
वेष्ट इन्डिजका माय्थ्यु फोर्देले २, ओबेद म्याक्कोयले २ विकेट लिए ।
वेष्ट इन्डिज ए का लागि रोस्टन चेसले सर्वाधिक ७४ रन बनाए । त्यस्तै एलिक एत्जानाजेले ४७ रन जोडे । वेष्ट इन्डिज ए का अर्का केसी कार्टीले ३९ रन बनाएर आउट भए । वेष्ट इन्डिजका मुख्य ओपनर ब्याट्सम्यान जोनसन चार्ल्स शुन्य रनमै आउट भएका थिए ।
वेष्ट इन्डिज ए विरुद्ध नेपालका कमल ऐरी, रोहित पौडेल,अबिनाश बोहराले १–१ विकेट लिए ।
