नेपालगन्ज, १२ बैशाख । बर्दियाको सामुदायिक विद्यालयका शिक्षकलाई ‘लैङ्गिक रूपान्तरणीय, समावेशी शिक्षण विधि र अपांगता भएका बालबालिका मैत्री कक्षा कोठा व्यवस्थापन सम्बन्धी तालिम दिइएको छ ।
प्लान इन्टरनेशनल नेपालको साँझेदारीमा बाँके युनेस्को क्लबद्धारा सञ्चालित “सामाजिक संरक्षण सेवाहरुमा अपाङ्गता भएका बालबालिकाहरूको अधिकार सुनिश्चितताका लागि सहयोग” परियोजना अन्तर्गत उक्त तालिम दिइएको हो ।
उक्त तालिममा बर्दियाका २७ माध्यमिक विद्यालयका शिक्षक र प्रधानाध्यापकहरुको सहभागिता रहेको थियो । तालिम तीन दिनसम्म सञ्चालन गरिएको थियो ।
अपाङ्गता भएका बालबालिकाको शिक्षा र व्यक्तित्व विकासको मौलिक अधिकार सुनिश्चित गर्दै विद्यालयमा समावेशी र गुणस्तरीय सिकाई वातावरणमा पहुँच सिर्जना गर्नु तालिमको उद्देश्य रहेको क्लबका अध्यक्ष रबि तुलाधरले बताउनुभयो ।
तालिम समापन समारोहका प्रमुख अतिथि राजापुर नगरपालिका महिला तथा बालबालिका एकाई प्रमुख रिताकुमारी थारुले शिक्षामा अपाङ्गताहरुको पहुँच बढाउन आवश्यक भएको बताउदै राजापुर नगरपालिकाका तर्पmवाट विद्यालयलाई समावेशी र अपाङ्गमैत्री बनाउन सक्दो सहयोग गर्ने प्रतिबद्धता जनाउनुभयो ।
कार्यक्रममा प्रमुख अतिथि थारु र क्लबका अध्यक्ष तुलाधर र प्रमुख संरक्षक परवेजअली सिद्दिकीले सहभागिहरुलार्ई प्रमाणपत्र प्रदान गर्नुभएको थियो ।
कार्यक्रममा क्लबका कार्यकारी निर्देशक साजिद अली सिद्दिकी, सह निर्देशक महेश नेपाली, फिल्ड सुपरभाइजर जनक चौधरी लगायतको सहभागिता रहेको थियो । तालिममा सञ्जीव जोशीले सहजीकरण गर्नुभएको थियो ।
२०८१÷०१÷१२
