नेपालगञ्ज, ६ बैशाख । बाँकेको जानकी गाउँपालिका वडा नं. ६ स्थित राजेश जैनको बाहुबली जडिबुटी प्रशोधन उद्योगमा लागेको आगो नियन्त्रणमा लिइएको छ ।
आगलागी नियन्त्रणका लागि बाँके, बर्दिया र भारतको बहराइचवाट गरी नौ दमकलको प्रयोग गरिएको थियो । आगलागी नियन्त्रणका लागि नेपाल प्रहरीको वाटर क्यानन समेत प्रयोग गरिएको थियो भने प्रहरी, सेना र स्थानीयसमेतको टोली आगो नियन्त्रणमा खटिएका थिए ।
जिल्ला प्रहरी कार्यालयका प्रवक्ता प्रहरी नायब उपरीक्षक नारायण डांगीका अनुसार, जिल्ला प्रहरी प्रमुख प्रहरी उपरीक्षक तुलबहादुर कार्कीको कमाण्डमा ११४ प्रहरीसमेत सशस्त्र प्रहरी र सेना गरी १६४ जना सुरक्षाकर्मीको टोली परिचालन गरिएको थियो ।
आगलागी बिधुत तार शट भएर बिहान ७ बजे लागेको आगो दिउसो २ बजे नियन्त्रणमा लिइएको प्रहरीले जनाएको छ । आगलागीमा मानविय क्षती नभएको र भौतिक क्षतिको विवरण आउन बाँकी रहेको जिल्ला प्रहरी प्रवक्ता डांगीले बताउनुभयो ।
