नेपालगञ्ज, २७ चैत । भूकम्पका बेला खोज, उद्दार तथा राहतका कामलाई प्रभावकारी बनाउने उद्देश्यले नेपालगञ्जमा टेबलटप कृत्रिम घटना अभ्यास गरिएको हो ।
नेपालगञ्ज उपमहानगरपालिकाको समन्वयमा नेपाल रेडक्रस सोसाइटी बाँके शाखाले टेबलटप कृत्रिम घटना अभ्यास कार्यक्रम गरेको हो । विपद विज्ञ डा. श्रीजन मल्लको सहजीकरणमा तीन वटा समूह बनाएर कृत्रिम घटना अभ्यासको टेबलटप गरिएको थियो ।
कार्यक्रममा रेडक्रस बाँकेका सभापति गोबद्र्धन सिंह सम्झना, नेपालगञ्जका उपमेयर कमरुद्दिन राई, प्रमुख प्रशासकीय अधिकृत ओमबहादुर खड्का, उपमहानगरपालिका वातावरण तथा विपद समिति संयोजक समिरप्रताप सिंह, जनप्रतिनिधि, कर्मचारी, उद्योगी ब्यवसायी, सामाजिक कार्यकर्ता, सञ्चारकर्मी लगायतको सहभागिता थियो । कार्यक्रममा सहजीकरण
नेपालगञ्ज उपमहानगरपालिकाले तयार पारेको आपतकालीन पूर्व तयारी तथा प्रतिकार्य योजनाको प्रभावकारी कार्यान्वयनका लागि तीन समूहमा कृत्रिम घटना अभ्यास गराइएको आपतकालीन कार्यसञ्चालन केन्द्रका सूचना व्यवस्थापन अधिकृत रुपन ज्ञवालीले बताउनुभयो ।
युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी तथा नेपाल रेडक्रस सोसाइटी बाँके शाखाको प्राविधिक सहयोगमा नेपालगञ्ज उपमहानगरपालिकामा शहरी विपद् तथा भूकम्पिय पूर्व तयारी परियोजना (सुपर) सञ्चालन गरिएको छ । यो परियोजना हाल नेपालगञ्जको वडा नम्बर ३ र ७ मा सञ्चालनमा छ ।
