नेपालगञ्ज, २६ चैत । नेपाली काँग्रेस बाँके क्षेत्र नम्बर २ ले ‘जनतासंग सम्वाद’ कार्यक्रम गर्ने भएको छ । पार्टी क्षेत्रीय कार्यसमितिको आज बसेको बैठकले नव बर्षको पहिलो दिन २०८१ बैशाख १ गते उक्त कार्यक्रम गर्ने निर्णय गरेको हो ।
क्षेत्रीय सभापति रमेशकुमार गुप्तका अनुसार, नेपालगन्ज उपमहानगरपालिकाको त्रिभुवन चौक र डुडुवा गाउँपालिकाको कम्दीस्थित मिलन चौकमा कार्यक्रम गर्ने निर्णय भएको छ । दुबै कार्यक्रममा नेपाली काँग्रेसका महामन्त्री गगन थापाले जनतासंग दोहोरो सम्वाद गर्नु हुनेछ ।
बैठकमा नेपाली काँग्रेसका केन्द्रीय सदस्य मैकुलाल बाल्मिकी, राष्ट्रियसभा सदस्य युवराज शर्मा, नेपाली काँग्रेस बाँकेका कार्यबाहक सभापति गोपालप्रसाद अधिकारी, सचिव शुधांसु कोइराला, कोषाध्यक्ष यज्ञबहादुर बस्नेत, नेपाली कांग्रेसका नेताहरू सुनिल नरसिंह राणा, राजकुमार बर्मा, सुदिप नरसिंह राणा, जितेन्द्रबहादुर हमाल लगायतको उपस्थिति रहेको थियो ।
