नेपालगञ्ज, १८ चैत । लुम्बिनी प्रदेशका स्वास्थ्य मन्त्री राजु खनालले जनस्वास्थ्य कार्यक्रमलाई सफल बनाउन महिला स्वास्थ्यकर्मीको भूमिका महत्वपूर्ण रहेको बताउनुभएको छ ।
साढी वर्ष पूरा भई सेवा निवृत्त महिला स्वास्थ्य स्वमंसेवीकाको सम्मानमा स्वास्थ्य कार्यालय, बाँकेले आज आइतवार नेपालगञ्जमा आयोजना गरेको सम्मानसहितको विदाई कार्यक्रममा मन्त्री खनालले थोरै पारिश्रमिका तथा सुबिधामा महिला स्वमं्सेवीकाले शुरुवाती चरणदेखि नै तारिफयोग्य काम गर्दै आएका छन् भन्नुभयो ।
प्रदेश सरकारले सेवा निवृत्त हुने स्वमंसेवीकालाई जनही ५० हजार दिने अभियान सुरु गरेको बताउदै मन्त्री खनालले प्रदेशमा करिब नौ हजार महिला स्वमंसेवीका रहेकोमा प्रत्येक वर्ष ४०० जना सेवा निवृत्त हुने गरेका छन् भन्नुभयो ।
संघीय सरकारले सेवा निवृत्त हुने महिला स्वास्थ्य स्वमंसेवीकालाई रु २० हजार दिने गरेको पनि मन्त्री खनालले जानकारी दिनुभयो ।
कार्यक्रममा नेपालगञ्जका मेयर प्रशान्त विष्टले नेपालगञ्ज उपमहानगरपालिकाले नगर क्षेत्रका स्वमंसेवीकालाई थप ५० हजार दिने गरेको छ भन्नुभयो । यो समेत उनीहरुले सेवा निवृत्त भएपछि रु एक लाख २० हजार पाउने गरेका छन् भन्नुभयो ।
